أوراد

عاشقه حالمه من عالم أخر مختلف طفله في زجاجة طفله

Thursday, June 29, 2006

ننتخب او ننتحب !

السلام عليكم ورحمه الله وبركاته
صباح الحق يا كويت
صباح الحب يا كويت
صباح الديمقراطيه
العداله
الدستور
الشرع
صباح المساواه يا كويت
:
صباح الطهار
صباح المستقبل المشرق
صباح دحر الفساد
صباح انسلاخ اقنعه النفاق
:
صباحج ابيض يا كويت
::::
اليوم سننتخب !
فـلنجعل الكويت
تضحك
لا أن تنتحــب !
:::
رحيلك يا عبدالله السالم
دمار
رحيلك جابر الاحمد
موت شعب موت ديار
عسى وجودك يا صباح الاحمد
اعمار
:::
و نموت نموت وتحيا الكويت
،،،
أوراد

Monday, June 26, 2006

لبيك يا كويت


مع العد التنازلي واقتراب ساعه الصفر
وانتظار الخميس .. الحق .. الامان .. العلي .. المستقبل
الاشراق .. ،
ومحو ذلك الخميس الاسود .. الخميس الشؤوم الخميس الغدر من الذاكره ..
تتسارع النبضات .. وتتشتت النظرات .. وتلهث الانفاس .. وتحبس التوقعات
سيكون 29/6
الفاروق !

بين الحق والباطل
بين الفساد والطهار
بين المستقبل الواعد المشرق
وبين الظلم والفساد والخوف وسلسله الاختلاسات
::
بأيدينا .. باصواتنا .. بقلوب مؤمنــه
بالله تعالى اولآ وبالكويت ثانيــا ً !
بهذه الارض ..
بأرض الامان الخير .. الحق .. العدل
يجب على كل انسان كان انتماءه .. ولاءه .. دمــه
لهذه الأرض ان يعبر عن حبــه الحق
لـ .. الكويت
" من الكويت نبدأ والى الكويت ننتهي وما عدا ذلك فليس من الكويت
ولا الكويت منــه "
رحمك الله بو مبارك .. قلت ووفيت
::
بهذا اليوم !
نعطي اصواتنا بأمانــه لمن يستطيع انتشال الكويت
من مستنقعات الفساد ..
من براثن الاحقاد
بهذا اليوم
تذوب جميع الفوارق والفرق
جميع التكتلات والعصبيات
جميع الاحزاب والانتماءات
بهذا اليوم الكويت ولا شيء غير الكويت
بهذا اليوم الصوت عليك امانــه
امانــه الى يوم الحق !
::
حط فبالك ان صوتك ممكن يغير شي
ممكن يغير نتيجه
ممكن يرفع انسان قلبه على ديرتك واهلك
ومستقبلكم !
::
مانبي ناس تشوف الكرسي كيكه لذيذه
او تشوف المجلس فريسه ! حلوه
وتبي تنهش المركز .. والسلطه !
نبي ناس تحس الكرسي ..
مسؤوليه وحق على اعتاقهم
نبي ناس تشوف الكرسي سيف على اعناقهم !
ثقل على اكتافهم !
نبي نعطي صوتنا !
لـ انسان .. تتطاير شرارات الوطنيه البحته
من نظراته !
::
لا تقلل من قيمه صوتك !
لا تحرم نفسك من هذا الشعور
من هذا الحق !
لا تحرمين نفسج من هذا الحق !
ناس وايد دافعوا عن هذا الحق
ليش يروح تعبهم
على اعذار واهيه .. واعذار مضحكه !
وغير صالحه للعذر نفسه !
::
تزهب/بي
لـ هذا اليوم !
الكويت ستشهد عرس انتخابي كبير !
كلنا مدعوون لهذا اليوم !
نريد الكويت ولا شيء غير الكويت
حضر
بدو
سنه
شيعه
اصيلين
بياسره
عيم
غيرهم !
كلنا للكويت والكويت لنا
خلونا ..
بهذا اليوم
نبرهن حبنا لهذه الارض
اللي كانت
امنا وابونا
حمانا وسندنا
ظهرنا .. مستقبلنا
عزتنا وكرامتنا
صوتنا .. شرف
ولازم نحافظ عليه بكل امانه وبمسؤوليــه
::::
الوطنيه والحميه والعزه ورفعه الشان
احنا نصنعها بأيدينا
محد يصنعها لنا
اليوم الكويت تبيكم تناديكم
فـ هل من ملبي !
هل من مجيب !
لبيك يا كويت الحق
الطهار
،،،،
أوراد

Thursday, June 22, 2006

يوم السفر بلا سفر !

:::
::
:

دق علي اخوي صدمني بالخبر !
تدرين ..
ان حجزنا يوم الخميس 22/6 مو 29/6
لا يالله عاد اطفرني !
والله العظيم هذا الغبي ... حاط حجزنا 22 !
امبيــه !
مازهبنا شي ولا شريت شي
عندي اشياء وايد بسويها
وترى مابقى الا 3 أيام
هذا اللي هامج !
والإنتخابات !
وعرس الكويت الانتخابي !
صح .. شلون نسافر ونخلي الكويت
واحنا اللي ناطرين هاليوم
وحلمنا نشوف الخطوه الاولى في طريق الإصلاح
!وان شاءالله يتحقق هالحلم
اي والله صح كلامك
!شلون نروح بالوقت اللي الكويت محتاجه لعيالها وصوتهم
ها شرايج
لازم نأجل كل شي عقب الانتخابات صح ؟
اوكي .. بس
خلنا نصلي استخاره
اوكي
::
تأجلت السفره لي 1/8
وايد صح !
شسوي ماكو حجز والكويت تستاهل !
اي والله الكويت تستاهل !
سعاده داخليه
رغم الرغبه بكسر الروتين وتغيير الجو
والسفر !
:::
يوم الخميس
22/6
شرايج !
نروح المطار ونعيش لحظه السفر !
ونتريق هناك
ونرجع على امل ان نكون بنفس المكان 1/8 اذا الله كتب
خوش فكره ..
بالطريج !
سكري مبايلج يعني احنا مسافرين
وممنوع تبطلينه الحين واحنا بالطياره
اي اي صح ! هاهاهاه
^_-
:::

موكافربتشينو + جيز كرواسون
:
ثري كايند اوف جيز ساندوتش + هوت تشوكليت
:
هممم ودايما بستاربكس .. طعم الاكل غير :)
::
الحمد لله على سلامتي
!
22/6/2006
أوراد

Tuesday, June 20, 2006

التلويــحه المقيتــه

::
:
تقتحم حياتي خلسه
في أوج الصفاء
في دفئ العطاء
في قلب الحنين
في صدر الهناء
،،
::
:
بدكتاتوريــه مفرطه
بمركزيه .. فاسده
بعنصريه مشقيه
بـ سلسله من الاحاسيس المزعجه
تقتلني مرات ومرات
لـ تعكر سعادتني ولحظات هنائي
،،
تنتشلني لتعاود اغارقي
في حزني واساي ..
،،تنقذني لتتلذذ في أساليب قتلي
وعذابي وشقاي
،، تؤلمني ..
ترهبني ..
تعصر آمالي وتفتت احلامي
.. بلا رحمــه
،،،نعم
امقتها
امقتنها
::
:

"""" " تلويـــحه الوداع " """
::
:
فـ أجل ما يؤلمني في هذا الكون
هي تلك اللحظة الملعونــه
،،
لا أعلم لما اجدها أرواحاً شريره
.. تطاردني كلما اشحت بوجهي
في اتجاهات العالم الأربع !
،،اجدها .. تلوح الي من بعيد
فأفزع ..
كأنه كابوس مقيت
لا يريدالخروج من عالم خيالاتي
،،امقتها تلك القاسيه
الظالمــه
التي تنتزع مني اجمل لحظاتي
،،تتسلل الى حياتي
الى احلامي الى افكاري
الى نفسي
تضرم النيران بجسدي
تلهب قلبي
تتأجج في جوفي
وتتركني
بقايا حطام !

::

:

::
:
أوراد
2:34 Pm

ما كان الفراق .. !

::
اكثر شي يتعبني بالوجود
لما ابي اعبر عن موقف .. حاله .. احساس ..
ومااقدر اكتب او اعبر !
::

والله ما كان الفراق اختياري
ولا عمري اخترت الوصال ولقيته
وانا اعشقك عشق المطر للصحاري
مهما قسى وقتك علي ما جفيته
،،
ما كان بعدي عنك بالبال طاري
اخترت بعدي عنك منك ورضيته
لو كنت داري بس لو كنت داري
ما عطيتلك قلبي وحبك مشيته
،،
لو مل من صبري حنين انتظاري
ماقلت ابيك ولا رجوعك رجيته
اذبلت من طبعك ورود اعتذاري
عطشان ذوق ولطفكم ما ارتويته
،،
ليت الزمن يقدر يرد اعتباري
ويبري لهايب قلبي اللي كويته
روح مراح الليل والليل ساري
لو كان مهما كان حبك نسيته
،،
والله ما كان الفراق اختياري
بس انته مختار الفراق ... ولقيته
وانا اعشقك عشق المطر للصحاري
مهما قسى وقتك علي ما جفيته
::::::
:
مااصعب غربــه الروح
والله
....
أوراد
20/6/2006
2:10 am


Thursday, June 08, 2006

سماء مكتظه بالنجوم

:::::
:::
:
عندما .. نحلق بأنظارنا في تلك السماء
المتلآلآه بالنجوم ..
نجوما تحوي أحلامنا ..
افكارنا ..
نبضاتنا ..
خيالنــا ..
وبعض واقعنا في نجوم .. تومض ..
منذره بالأفول !
وما بين الشهاب والشهاب ..
اضاءه حلم ..
وبريق أمل ..
وميض حلم ..
واشتعال .. الم !
،،، هل تجرب معي تلك اللعبه !
اصطياد النجوم ..
نحتضن السماء بأيدينا
..نرفعهما هكذا .. نعم هكذا
ارفع يديك قليلاً واجعل مابين اليمين واليسار
كوناً يمتد بينهما افقاً ..
يتمرجح ما بينهما ..
وابتسم ..
واستمع ..
...اتسمع !؟
تلك هي وشوشات النجوم ..هل تصدقني الآن !
:::اذن لم كنت تسخرعندما ابكي .. أفول حلمي
!.. باصطدامه بأمل .. بالم .. بواقع
وتناثر اشلاءه على جسد .. الارض !
حينها ؟!
,,,,
أوراد

Sunday, June 04, 2006

اشرقت روحي

::
:
على ميعاد اللقا اشرقت روحي
وعلى وداع الشمس غابت جروحي
،،
ماوراء الافق كانت تتشيد بالحب صروحي
تحمل الامواج بقايا طموحي
،،
تتلاطم .. تتبعثر .. تختفي تقترب ..
تعاود التجمع
لتعاود الرحيل
تعزف الحان نوحي
،،
وما بين الظلام والظلام ..
يتبعثر شموخي
،،
يتوسدعيونــ /كالشمس
تدق اجراس الربيع
،،
فتتجمع السنونوات
يدنون كمرصد
يتصدى لأحقاد القدر
فيتراقصون كجالبات الفرح
من مطالع الشموس
،،
وحتى وإن توشح يومي بالسواد
وغابت الشمس عن حمامات دوحي
،،
وصُوّر إلى البحر نعشاً
يجب ان القي بجسدي المضنى عشقا
في قلبــه
،،
وكان قربك على غير ميعاد
كما حبك باغتني
بلا ميعاد
وتسربل بالغموض في قاع نبضي
امعنت النظر في اللانهايه
وارتكز بصري وغاب في غياب الموج
وانصهاره شوقاً في احتضان الشاطئ
وتلونت الصور في فكري
وبقايا خيالاتي
مابين شروق نفسي وغروبها !
حتى أصاب العقل الضجرمن هول تلك الأفكار
المليئه برعب الرحيل
وفلسفه الوداع
المنتشيه من جراء احتساء الانتظار
فكانت صورا ًترتعش
كل شروق ..كل فجر ..كل شمس
في كل اهتزازة
موجــه ..
تتحطم على جسد التبر
تحمل عرى القلب والفؤاد
الضامئ لينابيع
وديان نفســه
:::
أوراد ،،
 

<BGSOUND src="http://www.naseemalrooh.net/old/music/rain/Track06.wma">